Estamos encantados de exponer en esta exposición “Arte, artesanía, deseño e sustentabilidade en Galicia no século XXI” comisariada por Mónica Maneiro

Inauguración da exposición Arte, artesanía, deseño e sustentabilidade en Galicia no século XXI. Venres 22 de xaneiro ás 20.00 horas no Centro Torrente Ballester.

O Centro Torrente Ballester inaugura este venres ás 20.00 horas a exposición Arte, artesanía, deseño e sustentabilidade en Galicia no século XXI. Con motivo da mostra, ás 19.00 horas terá lugar unha mesa redonda na que participarán diferentes axentes galegos especializados en deseño.

Sen pretender abarcar a totalidade do que o sector galego ofrece nos nosos días, a exposición Arte, artesanía, deseño e sustentabilidade en Galicia no século XXI si achega unha mostra da realidade do novo deseño na nosa comunidade prestando especial atención ao deseño industrial, o deseño editorial, o deseño de moda, a tipografía, ou o deseño de produto. Todo isto vese pautado pola presenza das prácticas de sustentabilidade como fío de unión.

No ámbito do deseño editorial destaca a forma de comunicar de estudos como Numax, Ta Ta Ta, desescribir ou Dardo e os deseños de Uqui Permui. A tipografía ven da man da Isaac Sans creada por Marcos Dopico, inspirada na tradición da letra galega e que serve de soporte a toda a gráfica da mostra. No campo da moda atópanse as arriscadas e frescas propostas de Amai Rodríguez ou La Canalla e os cálidos tecidos de Anna Champeney. Seguindo co téxtil pero nunha liña máis experimental destaca a impoñente instalación de Sara Coleman, que se complementa na exposición coas propostas espaciais de Sistema Lupo e a intervención lumínico-artística de Arturo Álvarez. Creadores como Rosa Méndez, Marta Armada ou Noroeste Obradoiro son algúns dos representantes das últimas tendencias da xoiaría artesanal galega. En canto ao deseño industrial, cabe mencionar as propostas de Cenlitrosmetrocadrado e K-lo Taller de Ecodiseño e o seu proxecto lámparasdecarton.com, ou lago:monroy ou Tomás Alonso. Tamén forman parte da mostra a fusión da cestería e o téxtil nas pezas de Idoia Cuesta e os proxectos de mobiliario de Elías Cueto. A reinvención da cerámica tradicional de Víctor Ares e o deseño para nenos de Cucuducho, pechan unha proposta para imaxinar o novo deseño en Galicia.